Menu


بدر العياضي
بدر العياضي

مشاعر مواطن ... ( قصيدة )

الخميس - 7 محرّم 1431 - 24 ديسمبر 2009 - 12:07 م
هذه مشاعر تجاه سلطان الوفا وسلطان الخير الذي مّن الله عليه بالصحة والعافية واعاده الينا سالماً ومعافى مشاعر تعتبر جزء بسيط من باب الوفاء تجاه امير الخير والانسانية ابو خالد امد الله بعمره : يابـوي تنشدنـي وهـذي علـومـي مبسـوط دام انـه تعافـى كحـيـلان سلطان ابـو خالـد سليـل القرومـي حر شهر بالطيـب فـي راس مابـان حر علـى الطـولات دايـم عزومـي والمجد يبصم له على طول الازمـان انـه ببحـر العـز دايــم يعـومـي ومن خلقته دايم على المجـد شفقـان وعلى علـو المجـد حـط الوسومـي وسوم الفعول اللـي تميـز بببرهـان زهت له البيضـا وصـارت لزومـي لراع الوفا والطيب كسـاب الاحسـان عد الروا اللـي بالمراجـل يزومـي من يارده يصبـح بهالوقـت ربحـان هذا الـذي شوفـه يزيـل الهمومـي واسمه فخر للقاف في كـل الاحيـان تاج الوفـا نبـع الصخـا والسلومـي ذرب اليمن اللي لـه المجـد عنـوان اللـي يمينـه مثـل وبـل الغيومـي ياماجلت عن صدر من ضاق الاحزان كم واحد جـا لـه يعـض البهومـي مـن كبـر همـه ثايـر فيـه بركـان يسهـر وعينـه ماتهـنـى بنـومـي ويصبح عليه الصبح و القلب وجـلان تفتحـت دنـيـا العـنـا بالثلـومـي ونادى على سلطان سلطـان سلطـان انـا دخيلـك عـن لهيـب السمومـي تكفى يابو خالد تـرى الحـال تعبـان الوقـت خلانـي اشـوف النجومـي بعز الظهر واللي فرض خمس الاركان وانت الامير اللـي بشعبـه رحومـي مضرب مثل ياللي فلا غيـرك انسـان وجاه الفرج مـن يـد ذرب العلومـي وبنـى كيانـه سيـدي عالـي الشـان وطير الفرح من فوق راسـه يحومـي وحظه نهض والوقت في خاطره زان وختامهـا لعـل عـمـره يـدومـي اقولها مـن قلـب وشعـور ولسـان واللـي يبـي عـزه يفـز ويقـومـي يكسب نواميس الفخـر مثـل سلطـان الشاعر بدر العياضي . بريدهـ
الكلمات المفتاحية