سربازان افغان از ترس طالبان به تاجیکستان گریختند

در پی درگیری‌های روزهای اخیر نیروهای دولتی افغانستان با طالبان، روز دوشنبه بیش از هزار سرباز افغان به تاجیکستان، کشور همسایه افغانستان، گریختند.

در روزهای شنبه ویکشنبه اخیر، بیشتر بخش‌های مناطق شمال شرق افغانستان که طالبان ده‌ها روستا را تحت کنترل خود دارند، صحنه درگیری بوده است وخروج سربازان، موجب نگرانی از بروز بحران در نیروهای دولتی شده است.

خبرگزاری فرانسه به نقل از عبدالله بصير، یکی از سربازان مستقر در ولایت بدخشان که شماری از نیروهای مستقر در آن از مرز گذشته وبه تاجیکستان گریختند، گفت: “نمی‌خواستند تسلیم شوند. تقاضای تجدید وتحکیم قوا کرده بودند، اما درخواست‌شان نادیده گرفته شده بود”.

کمیته امنیت ملی تاجیکستان گفت که هزار و۳۷ سرباز دولتی افغانستان پس از درگیری شبانه با طالبان، برای “نجات جان خود” وارد آن کشور شده‌اند.

سازمان اطلاع‌رسانی تاجیکستان در بیانیه‌ای نوشت:‌ “با در نظر گرفتن اصول حسن همجواری وعدم مداخله در مناسبات داخلی افغانستان، به پرسنل نظامی نیروهای دولت افغانستان اجازه ورود به خاک تاجیکستان داده شد”.

پیش‌تر نیز در پی درگیری‌های قبلی که در جریان آن طالبان کنترل بیشتر نواحی مرزی میان دو کشور را در دست گرفتند، سربازان افغان از مرز گذشته ووارد تاجیکستان شده بودند. اين در حاليست كه شماری از تحلیلگران می‌گویند که نیروهای افغان روحیه خود را باخته‌اند.

ایالات متحده آمریکا روز جمعه، دوم ژوئیه، اعلام کرد که پایگاه هوایی بگرام، مرکز عملیاتی نیروهای آمریکایی در افغانستان، را به نیروهای امنیتی آن کشور واگذار کرده است.

با بسته شدن پایگاه هوایی بگرام، نیروهای طالبان در آخر هفته اخیر به شمال افغانستان حمله کردند وبیشتر بخش‌های ولایت بدخشان وتخار را تصرف کردند، به طوری که تنها مراکز این ولایات در کنترل دولت باقی مانده است.

وضعیت در شمال افغانستان درحالی رو به وخامت گذاشته است که طالبان در ولایت‌های جنوبی قندهار ووهلمند نیز اندکی به مراکز این استان‌ها نزدیک شده است.

ممکن است شما دوست داشته باشید