فاجأت الفنانة المصرية هنادي مهنا جمهورها بعد نقصان وزنها ونحافتها الملحوظة، وخرجت هنادي مهنا لتكشف عن سر فقدان وزنها الزائد، وحقيقة طلاق هنادي مهنا من زوجها الفنان أحمد خالد صالح.
سر نحافة هنادي مهنا
وقالت هنادي مهنا في تصريحاتها مع الإعلامية المصرية لميس الحديدي في برنامجها ”كلمة أخيرة”، أنها مرت باكتئاب وضغط تسببت في أنها لم تتابع زيادة وزنها قائلة «كلنا بنروح في فترات اكتئاب أو ضغط وزنه بيزيد مش بيعرف ياخد باله من نفسه أو بتخليه يأكل كتير وأنا في إسبانيا كنت متعودة وأنا عايشة في إسبانيا وقت الجامعة كنت بتحرك كتير أوي ومكنش فيه حد بيطبخ فكنت رشيقة ولما جيت مصر كان فيه دلع كتير أوي محشي وحمام ومسقعة ودي حاجات ماينفعش تتساب وماتتاكلش».
وتابعت «الأعمال اللي كنت بصورها ومش بتنزل كنت بحط فيديوهات من الكواليس على إنستجرام والناس تقولي فين الأعمال إنتي بتصوري لنفسك ولا إيه وأنا في الأساس شكلي كان زي دلوقتي بعد فقد الوزن لكن الفترة دي كانت سبب في زيادة وزني حينها».
وكشفت هنادي مهنا عن أنها كانت تتأثر وتبكي بسبب التعليقات على وزنها وشكلها بسبب تعرضها للتنمر، واهتزت ثقتها بنفسها، وأكدت أنها لجأت إلى طبيب متخصص، لمساعدتها في استعادة وزنها السابق قبل زيادة وزنها.
حقيقة طلاق هنادي مهنا وأحمد خالد صالح
وردت هنادي مهنا على الشائعات المتكررة حول انفصالها عن زوجها أحمد خالد صالح، في الفترة الأخيرة، قائلة: "أنا مبقتش بتأثر بحاجة خالص.. خليهم زي ما هم أحسن ما يبقوا فاكرين إن إحنا كويسين فيحسدونا.. فشكرا أوي، الموضوع مضحك وبيضحكني أوي وقلت كويس أنهم مشغولين في الكلام وده ومتخيلينا أننا بينا خلافات أحسن ما يحسدونا".
وأكدت الفنانة هنادي مهنا أنها لا تهتم بالشائعات التي تطاردها عن انفصالها عن زوجها الفنان أحمد خالد صالح، وردًا على سؤال هل تشعر بالغيرة على زوجها، قالت: "أنا بغير على جوزي، ممكن أمسك تليفونه لكن قليل وعندي الباسورد، مش عشان حاجة، هو مش بيغيره ومعندوش حاجة يخبيها".
الغيرة على هنادي مهنا
وكشفت هنادي مهنا طبيعة العلاقة بينها وبين زوجها أحمد خالد صالح قائلة «أكيد أنا زي كل البني آدمين بس مش بتخانق.. وهو بيغير عليا في حدود الطبيعي، وأحمد مش بيقولي ستو أنا، رغم إن الناس كلها بتقولي كده».
مؤكدة أنها تقوم بفتح موبايل زوجها، لكن ليس لشيء سوى لأخذ صور بعينها أو خلاف ذلك، «وما فيش مجال للمنافسة بين راجل وست».