تصدرت الفنانة المصرية دينا الشربيني محركات البحث اليوم، الأربعاء، بعدما حلت ضيفة على برنامج ABtakls الذي يُقدمه الإعلامي الإماراتي أنس بوخش، وكشفت دينا الشربيني أسرار علاقتها بالهضبة عمرو دياب لأول مرة.
دينا الشربيني وعمرو دياب
ولمحت دينا الشربيني خلال حوارها مع برنامج ABtakls الذي يُقدمه الإعلامي الإماراتي أنس بوخش، عن علاقتها بزوجة عمرو دياب السابقة، والهجوم الذي شنه الجمهور عليها بمجرد ارتباط اسم دينا الشربيني وعمرو دياب.
زواج دينا الشربيني وعمرو دياب
وأوضحت دينا الشربيني أنها لم تأخذ عمرو دياب من زوجته كما أشاع البعض وأنها قررت عدم التحدث في ذلك الأمر خلال الفترة الماضية: «أنا قعدت في قصة طويلة من سنتين والناس فضلت تقول أنا أخدت حد من حد، بس ده مكنش حقيقي خالص وفي الوقت ده كل أصحابي قعدوا يقولوا لي أطلعي واتكلمي أن الموضوع التاني ده كان خلصان من سنين طويلة وإن مفيش حاجة وأنهم مش مع بعض، بس أنا قررت متكلمش».
دينا الشربيني وزوجة عمرو دياب
وتابعت دينا الشربيني قائلة: «طول ما أنت عارف أنك معملتش ده بتبقى قاعد مش متضايق من الكلام اللي بيتقال، على عكس الناس اللي بتبقى عاملة ده فعلا لإما معندهاش دم أو بيبقى على رأسهم بطحة»، مشيرة إلى أنها لم تتحدث وقتها عن الأمر لأنها ليست حياتها بمفردها وإنما حياة 3 أشخاص.
كما كشفت دينا الشربيني أنها لا تحب الرد على مثل تلك الشائعات والأهم هو عملها، مضيفة: «وبالمناسبة أنا وهي صحاب جدا، ولحد دلوقتي، وناس كتير كرهوني بسبب الحوار ده اللي هو مش حقيقي».
أسرار دينا الشربيني
وتحدثت الفنانة دينا الشربيني خلال لقائها في برنامج AB TALKS مع أنس بوخش عن علاقتها بالحب، قائلة: «أنا حبيبة وأؤمن بالحب من أول نظرة، بتحس إنك اتخطفت، أنا حصلتلي الصراحة قبل كده، وأنت بتعرف بعد كده الشخص كويس أم لا».
وقالت دينا الشربيني: «ولكن الحب ده سلاح ذو حدين، بحبه جدا وساعات بقول لا خلاص مش هحب تاني لأنه بيوجع، أنا بحب الحب نفسه لأن إحساس الحب نفسه حلو، إن حد بيحبك وبيطمن عليك وخايفين على بعض، كحب أو أصدقاء أو أهل بس لما تبقى في علاقة خطوبة أو جواز أوقات كتير بتتوجع ودا اللي مش بحبه في الحب».