بعد نحو 18 عامًا من الاعتزال، تصدرت المطربة المصرية نجاة الصغيرة، مؤشرات البحث في محرك البحث العالمي «جوجل» بعدما أطلت على جمهورها من خلال مداخلة هاتفية في أحد البرامج المذاعة على فضائية «إم بي سي مصر».
وقالت نجاة الصغيرة في مكالمة هاتفية للإعلامي عمرو أديب في برنامجه «الحكاية» المذاع على فضائية «إم بي سي مصر»: «أحب أطمئن جمهوري لأنه عزيز وغالي، وبصراحة أنا بعرف أغني مش بعرف أتكلم.«
وأضافت نجاة الصغيرة: «أمضي أوقاتي بالاستماع إلى الموسيقى.. وبسمع الموسيقى اللي اتعلمتها من الكبار أوي أوي السيدة أم كلثوم، وعبدالوهاب، وكنت محظوظة وفي نعمة لأني تخرجت من جامعتهما لأنهما مثل الجامعة التي تحصل منها على دكتوراه مش مجرد مدرسة، وكنت محظوظة جدًا إني تواجدت في الوقت اللي كانوا موجودين فيه وبحمد ربنا إني كنت موجوده في الوقت ده وتربيت على أعمالهما».
وأوضحت نجاة الصغيرة سبب غيابها عن الساحة الغنائية : «مبعملش حاجة عشان أنا المجموعة بتاعتي مش موجودة دلوقتي؛ ولكن بحاول، وفيه صعوبات العازفين يعني أو مفيش الملحن اللي ينفع للحاجة اللي بتمناها، لأن ليا طريقة في اختيار الأغاني مش موجود تنفيذها دلوقت، وبحاول إذا قدرني ربنا هقدم حاجة قريب».
اقرأ أيضا:
أحمد حلمي يستعيد ذكرياته بمدرسة جدة.. وآل الشيخ: نشوفك في المواسم ونزورها معًا
رامز جلال.. تغيّب عن العمل 6 سنوات وتقاضى أجرًا لـ«أدائه الممتاز»