Menu


تفاصيل أزمة تامر حسني مع المستهترين بأزمة فيروس «كورونا»

الفنان يوجه نصائح إلى الشعب المصري..

قرر الفنان المصري تامر حسني، التفاعل مع جمهوره عبر صفحته الرسمية على «فيسبوك». وضمن هاشتاج «خليك قاعد في بيتك»، كتب الفنان قصة تسببت في خلاف بينه وبين أحد الشبا
تفاصيل أزمة تامر حسني مع المستهترين بأزمة فيروس «كورونا»
  • 48
  • 0
  • 0
فريق التحرير
صحيفة عاجل الإلكترونية
صحيفة عاجل الإلكترونية

قرر الفنان المصري تامر حسني، التفاعل مع جمهوره عبر صفحته الرسمية على «فيسبوك». وضمن هاشتاج «خليك قاعد في بيتك»، كتب الفنان قصة تسببت في خلاف بينه وبين أحد الشباب؛ بسبب كورونا، حيث قال: «أنا شوفت موقف أمامي صدمني مش قادر محكيهوش.. شوفت واحد يقول لصاحبه، ياد شيل الماسك ياد واسترجل».

ووجه تامر حسني رسالة إلى الشاب الساخر صاحب الواقعة، قائلًا: «طب هو عشان في وجهة نظر حضرتك يسترجل فيكون سبب في موته وموتك وضرر كل من حوله.. معقول كل دول العالم المتطورة مؤمنه بالوقاية دي وإحنا بقى اللي عندنا الفهلوة والمفهومية كلها اللي بيتريقوا على الوقاية دي».

وتابع: «لم أسكت لهذا الشاب وفهمته على قد ما أقدر، وفهمته يا سيدي لو حتى إنت من الناس اللي بتقول دا وهم.. مش هتخسر حاجة لما تاخد كوكب الأرض بالكامل على قد عقله، وتحافظ على نفسك الكام يوم دوول بس المشكلة إن في منه كتير بيفكروا زيه».

واستكمل تامر حسني في رسالته قائلًا: «لازم نتكلم كتير مع كل الناس، ولو النزول للضرورة القصوى عشان بعض طبيعة شغل الناس اللي باليومية فنلتزم بكامل تعليمات الوقاية.. أرجوكم اتكلموا كتير مع الناس عشان نوعي اي حد مش حاسس بالخطورة.. لازم نلتزم ونقعد في البيت 14 يوم يا ناس عشان نسيطر على انتشاره وما يتحولش إلى وباء.. الصين انتصروا على الوباء لما التزموا وما نزلوش الشوارع نهائي، ولو في ناس شغالة بيوميات لازم توصلهم يومياتهم لحد عندهم من باب الرحمة عشان ربنا يرحمنا.. وأنا بدأت بنفسي وعملت كدا وأكتر من كدا».

ودعم تامر حسني، المصريين المصابين بهذا المرض، قائلًا: «يا جماعة دا إن شاء الله اختبار من ربنا وهننجح فيه لو تعاملنا معاه صح، وبمنتهى الرحمة.. التعب وارد يحصل لأي حد فينا، وهيخف إن شاء الله زي ما آلاف خفوا، وخفوا من أمراض أكتر من كدا بمليون مرة ودا مش أول وباء عالمي يمر على البشر وغيرنا مر بأكثر منه».

وناشد تامر حسني المصريين بالتزام الصبر والتقرب إلى الله في هذه المحنة، قائلًا: «دي فرصه للي مقصر في حق ربنا إنه يقرب منه تاني.. أهو دا جانب إيجابي لازم نشوفه.. لازم نشوف إن الصعوبات دي بتشيل من علينا كتير عند ربنا وربنا هيعوضنا خير عنها إن شاء الله.. وما ننساش ندعي ربنا كتير؛ لأنه هو خالق كل الكائنات دي وقادر إن يوقفها بمشيئته».

اقرأ أيضًا

بالصور.. أبناء الشرقية يطلقون مبادرة «بالتوعية نقدر» بشأن الوقاية من فيروس كورونا

بالفيديو.. الشباب يوجه بتعقيم مرافق النادي لمواجهة فيروس كورونا

الكلمات المفتاحية
مواضيع قد تعجبك