خرجت الإعلامية المصرية بسمة وهبة بتصريحات أشعلت بها الرأي العام في الوطن العربي، حول الفنانةشيرين عبدالوهاب، وأزمتها الأخيرة مع طليقها حسام حبيب، خاصة مع إيداع الفنانة شيرين في مصحة بعد اتهام أسرتها بكونها مدمنة.
تصريحات بسمة وهبة عن شيرين
وقالت بسمة وهبة في تصريحاتها خلال لقائها في برنامج "ET" بالعربي، أن شيرين عبدالوهاب ليست مدمنة، بل تتعاطى مهدئات ومنوم فقط، مشيرة إلى أن حسام حبيب أيضا ليس مدمن مخدرات كما ادعت أسرة شيرين عبدالوهاب.
وأعربت بسمة وهبة عن حالة شيرين قائلة:«هي محتاجة إنها تعيد حسابات، وتخف، وتاخد قراراتها بنفسها، هي عندها حالة من الخوف، بتخليها دايما تحس إنها عايزه حد جنبها، سواء صديقة أو مديرة أعمال، أو زوج، أو أخ، كل بني آدم يبقى لازم عنده نفسه هي اللي تبقى قوية، دي مشكلة شيرين، طول الوقت عايزة، عكاز، هي مسكينة وضحية».
وأضافت:« شيرين لازم تبعد فترة عن مصر كلها، علشان تستنشق هواء جديد، تعيش في بلد سنة، شيرين مشكلتها المهدئات والمنومات اللي كانت بتاخدها، أنا ما شفتش من شيرين حاجة أكتر من كدا، أنا ماليش دعوة بالكلام اللي الناس بتقوله».
هجوم بسمة وهبة على حسام حبيب
وهاجمت بسمة وهبة حسام حبيب قائلة:«حسام مش زي ما الناس فاكرة خالص، ولو حسام يسمح لي أتكلم، أنا عارفه قصة حسام، هو في إيه بالظبط، بس أنا ما أقدرش أتكلم لأني ما اخدتش أذنه، هو ممكن يكون عنده شئ، ممكن بيخليه يتصرف تصرفات تزعل شيرين أوقات، أو بعض من الوقت، ولكن حسام مش مدمن ولا بيتعاطى».
تسريبات بسمة وهبة
وأشارت بسمة وهبة أنها تمتلك تسجيلات صوتية للفنان شيرين عبدالوهاب، إلا أنها ترفض إذاعتها قائلة:«أنا مش بحب أحكي، ومش بحب انشر علاقاتي بالناس، شيرين عندي ليها فويس نوتس كتير، عشان كنت أنزلها لها في البرنامج وأنا مارضتش، وعندي، ومرضيتش أعمل ده كذا مرة، لأنه مش هيضيف ليها، هو هيضيف ليا أنا، ليه بقى؟، لإن شيرين مجني عليها، ضحية، وهي طيبة جدا».