«كنت عايشة معاه محبوسة».. شيرين تكشف أسباب طلاقها من حسام حبيب على الهواء

خرجت الفنانة شيرين عبدالوهاب على الهواء، لتكشف تفاصيل أزمتها مع زوجها المطرب حسام حبيب، بعد شهور من كشف طبيعة علاقتهما لأول مرة، وصرحت شيرين عبدالوهاب بتفاصيل ظلمها على يد حسام حبيب وأسرته، لتتصدر التريند مرة أخرى مع بداية أزمة طلاق شيرين عبدالوهاب وحساب حبيب.

تصريحات شيرين عبدالوهاب

وقالت شيرين عبدالوهاب خلال مداخلة هاتفية مع الإعلامية لميس الحديدي، ببرنامج "كلمة أخيرة" المذاع عبر شاشة "on"،: «أنا ست كنت عايشة مش راجل ولا بيتشغل ولا بيشوف أهله ولا صحابه.. مكنش بيعمل أي حاجة غير حب الامتلاك.. فضلت أدافع علشان الحب ده ينجح وأنا خدامة الراجل اللي بعيش معاه.. لقيت نفسي بدمر وشغلي اللي كان المفروض يخلصه ليه كله كان متعطل».

سبب طلاق شيرين وحسام حبيب

وتابعت شيرين عبدالوهاب: «حسام حبيب إنسان مودي جدا.. أقسم بالله العظيم خسرني كل الناس.. خسرني أبويا وأمي وأختي وصحابي والسواق والشغالة.. كان فاكر الكل متآمر عليه.. لدرجة إنه حسسني إن الدنيا تآمرت إننا منبقاش مع بعض.. صدقته مع إن الحقيقة مش كده".

وأكملت شيرين عبدالوهاب: «حسام حبيب لازم يتعالج نفسيا لإنه عنده حب امتلاك.. وعنده ابتزاز من كل شيء.. لو غنيت أو عملت فرح ناجح كان بينكد عليا.. يقولي إنتي كنتي ماسكة الولد كده ليه وليه حاضناه كده رغم إنه أد ابني».

وذكرت شيرين عبدالوهاب: «لما عملت إعلان كويس جدا لأحد البنوك نكد عليا، أنا غلطت في نفسي، لكن مش عيب إن الست المشهورة تكون متجوزة وبتحاول تحافظ على بيتها.. كنت فاكرة إني بحافظ على بيتي لكنه مكنش بيت، دي كانت مصيدة فئران.. أنا كنت عايشة عيشة الفار اللي دخل مصيدة فار علشان ياكل حتة جبنة لغاية ما يموت».

شيرين عبدالوهاب مع لميس الحديدي

وأكدت الفنانة شيرين عبدالوهاب أنها لن تنسى سؤال العديد من الأشخاص عنها في أزمتها، ومنهم الإعلامية لميس الحديدي والفنانة ياسمين عبدالعزيز ومنة شلبي، متابعةً أنها تعلم جيدًا بوجود مشاكل أهم من مشاكلها الشخصية لدى المواطنين وبدأت تشعر أن موضوعها «بوّخ».

وقدمت شيرين عبدالوهاب خلال مداخلة هاتفية إلى برنامج «كلمة أخيرة» الذي تقدمه الإعلامية لميس الحديدي على قناة «ON» اعتذارها إلى الجمهور على الهواء، قائلة: «عاوزة أستغفر ربنا على الكذب اللي كذبته عشان أخلّي صورة إنسان تبقى كويسة، وأنا كذبت ودي أكتر حاجة ربنا مبيحبهاش».

وسألتها «الحديدي» عن ما كذبت بشأنه لترد شيرين قائلة «كدبت في حاجات كتيرة أوي، لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية وأخلص منه، ولو كنت قلت كلام وحش وقتها مكانش هيعرف يتجوز، وأنا نفسي يتجوز ويبعد عني».

وتابعت شيرين قائلة: «أنا ست قاعدة في أمان الله مع بناتي بقالنا 4 سنين شايفين الويل، سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتي، مكناش بنخرج ومكناش عايشين تقريبًا، والبنات مكنوش بيعرفوا يقعدوا معايا، لأني كنت عايشة مع زوج مش بيشتغل تقريبًا، وكنت محبوسة 24 ساعة في أوضة نومي مش بعمل حاجة، قاعدة بس، وأنا غلطت في حق نفسي، وكنت فاكرة إني بحافظ على بيتي، لكني اكتشفت إنه مكانش بيت، كنت في عشة فئران أو مصيدة، أنا كنت زي الفار اللي بيدخل المصيدة ياكل حتة جبنة».

سرقة شيرين عبدالوهاب

كشفت الفنانة شيرين عبد الوهاب أنها وقت مكوثها في الساحل الشمالي اكتشفت أن سيارتها التي تملكها والمكتوبة باسم حسام حبيب تم سرقتها قائلة: "كل الناس عارفة أني كنت بحاول أجمل صورته لكن الناس مكنتش مقتنعة وهما مش هبل وعارفين كل حاجة وأنا كنت طول الوقت بكدب عشان أجل صورته وعندما سرقت السيارة في تمام الواحدة بعد منتصف اليل تلقيت اتصال أن السيارة سرقت".