اشتهرت الإعلامية المصرية ياسمين عز بتصريحاتها المثيرة للجدل، ويرى كثيرون أنها متحاملة على النساء لصالح الرجال.
وقالت الإعلامية المصرية في برنامجها «كلام الناس» المذاع على فضائية mbc مصر: «لو أنتم قاعدين مع بعض بتتسامروا وتتكلموا، مينفعش فجأة تقومي في نص كلامه وتمشي بدون استئذان تروحي الحمام، الحمام مش أهم منه يا مدام».
وتابعت قائلة: «ممكن تستنيه لما يخلص كلامه، ويقوم هو الأول وبعدين تقومي وراه، أو لو أنت مستعجلة تقولي بلطف من غير ما تقطعي كلامه: «حبيبي هروح أعمل حاجة، أو هروح أغسل إيدي عشان حاسة أنها محتاجة تتعطر شوية».
تصريحات ياسمين عز
وأضافت ياسمين عز: «لو أنت قاعدة جنب جوزك فرعونك.. ما تتنفسيش وهو بيتنفس عيب».
وتابعت قائلة: «هل معنى كلامي إنك تكتمي نفسك وتموتي، بعد الشر عليكي أفهمي معنى الجملة، يعني لما يكون متعصب وصوت نفسه عالي من العصبية متتنفسيش أنت كمان وتنفخي بصوت عالي معاه، ده هيزود شحنة السلبية والنكد وهتقوم خناقة».
ياسمين عز تشيد بالرجل المصري
من ناحية أخرى، أشادت ياسمين عز بالراجل المصري فقالت في إحدى حلقات برنامجها: «رجالتكم عملة نادرة في الزمن ده، الرجل المصري والنخوة والاحترام والتقدير اللي عنده والله ما يتقدرش بكنوز... يا مدام إنت معاك حتة آثار نادرة معاك رجلك المصري قطعة نادرة فريدة، حافظي عليها زي الآثار، محدش يلمسه ويقرب له، يا بختنا كمصريات برجالتنا، نشيلك يا مصري على أهداب العين مش بس رموشنا».