أوضح الرئيس المصري عبدالفتاح السيسي، اليوم الجمعة، أنه لا يمكن خداع الشعب، لأنه أصبح أكثر وعيًا، وأن مصر قوية بالمصريين، مؤكدًا أنه «لا داعي للقلق».
وقال السيسي -عقب وصوله مطار القاهرة قادمًا من نيويورك، بعد مشاركته في اجتماعات الجمعية العامة للأمم المتحدة-: «لازم تعرفوا كلكم إن الشعب المصري بقى واعي أوي.. في إن الصورة تترسم إزاي عشان يزيفوا الواقع ويخدعوا الناس ويضحكوا عليهم، والكلام دا المصريين بقوا أكثر وعيًا منه بكثير واللي اتعمل قبل كدا مينفعش يتعمل تاني.. ليه؟ عشان ربنا وعشان أنتم.. فلا تقلقوا من أي شيء».
وحول رسالته للمصريين بشأن دعوات الجماعة الإرهابية للتظاهر، قال السيسي: «احنا لسه بنتكلم من أسبوع في الموضوع ده قبل ما أسافر.. وقلت يا مصريين خلي بالكم مش هيسبوكم تنجحوا، ولا تتهنوا على حاجة، دي حرب بينا وبينهم، مجموعة صغيرة في مقابل الشعب كله».
وأوضح الرئيس المصري أن الإعلام له دور كبير في توعية المواطنين والتصدي للشائعات والأكاذيب، قائلًا: «أنا بقول للمصريين يوم ما اطلب من المصريين زي يوم التفويض في يوليو 2013، رسالة للعالم كله هينزل الملايين، مش أقل من كده».